Lalremsiami an inah a haw

Olympian Lalremsiami chu August 28, Inrinni khan an khua Kolasib-ah a haw a, bialtu MLA K Lalrinliana leh bawrhsap Dr H Lalthlanglianate'n an lo hmuak. K Lalrinliana hian Mizoram sorkarin Lalremsiami tana in hmun a pek ram LSC a hlan nghal a ni.

Minister K Lalrinliana chuan, ram pum tihmingṭha ṭhintu Kolasib-in an nei chu lawmawm a tih thu sawiin, "Malsawmna dawng tlaka a tumruhna leh taimakna hi Mizo ṭhalaite tan a entawntlak tak zet. Harsatna hrang hrang kara a tuina kawnga beidawng loa a beihna avanga hlawhtling a ni hi a fakawm," a ti a; sorkarin in hmun ṭha tak a pe chu a lawmpui thu a sawi bawk.

Lalremsiami chuan, Mizo­ram sorkar leh Kolasib mipui duhsakna leh thilpek hrang hrang a dawnah a lawm thu sawiin, "Hlawhtlinna ka chante hi Sport & Youth Services depart­ment kaltlanga sorkar hmalakna leh Mizoram mipui duhsakna vang a ni a, Mizoram pum hlawh­tlinna angah ka ngai," a ti a,' Mizo ṭhalaite chu infiamna kawng hrang hrangah tumruhna leh taimakna nen hlawhtlinna chan tuma bei turin a chah a ni.