Covid vaccine dose 8,90,103 pe tawh

Integrated Disease Surveillance Programme (IDSP) tarlan danin, January 16, 2021 aṭanga August 28, Inrinni thleng khan Mizoramah Covid-19 laka invênna damdawi (vaccine) dose 8,90,103 pek a ni tawh.

Covid-19 vaccine hi mi 2,35,197-te'n an la kim tawh a, dose khatna chiah la mi 6,54,906 an awm. Mizorama Covid vaccine pek tawh dose 8,90,103 zinga 8,86,683 chu sorkar hmun aṭanga pek a ni a, June 16, 2021 aṭanga August 28 thleng khan private facility-te'n dose 3,420 an pe tawh bawk.

Kum 60 chung lamah vaccine dose khatna la tawh aṭanga chhûtin dose kima la tam berin, 92.95%-in an la kim tawh a; kum 18-44 inkarah dose khatna la tawh zinga 3.17% chiahin dose hnihna an la tawh thung.

August 28, Inrinni bikah Mizoramah Covid-19 vaccine dose 817 pek a ni a, mi 334 hnenah dose khatna leh mi 483 hnenah dose hnihna pek a ni.