Ni hnih chhungin Covid-19 vei Mi 1,766 hmuh chhuah a ni

August 27, Zirtawpni khan Mizoramah Covid-19 vei mi 886 hmuh chhuah a ni a, Inrinni khan mi 880 hmuh chhuah a ni bawk. Inrinni leh nimin khan hripui vei dam tawh mi 834 chhuahtir an ni a, mi paruk an thi thung.

Covid-19 vei August 27-a hmuh chhuahte chu mipa 417 leh hmeichhia 469 an ni a, ZMC labo­ratory-a hmuh 112, TrueNAT hmanga hmuh 35 leh RAT hmanga hmuh 739 an ni.

August 28-a hmuh chhuahte chu mipa 422 leh hmeichhia 458 an ni a, ZMC-a hmuh 177, TrueNAT hmanga hmuh 62, RAT hmanga hmuh 640 leh (Fluorescent Immunoassay (FIA) hmanga hmuh pakhat an ni.

Mizoram hi August ni 27 leh ni 28 khan hmarchhak state zingah hripui vei hmuh chhuah tamna ber a ni ve ve a; August 28 bikah India ram pumah parukna a ni bawk.
IDSP record angin, Mizoramah Covid-19 vei 57,522 hmuh chhuah a ni tawh a, mipa 29,488 leh hmeichhia 28,034 an ni. Nimin tlai dar 5 thleng khan mi 49,170 (85.48%) chhuahtir an ni tawh a, mi 212 (0.37%) thi tawhin, enkawl mek mi 8,140 (14.15%) an awm.

August 27, Zirtawpnia sample endik dan chu - ZMC laboratory-ah Aizawl leh Serchhip district-a mi 863, TrueNAT hmangin district 11-ah 349, RAT hmangin district 11-ah 7,361 leh FIA hmangin pathuma ni a, a vaiin sample 8,576 a ni. Sample endik aṭanga hripui vei hmuh chhuah 886 chu 10.33% a ni a; ZMC-ah 12.97%, TrueNAT-ah 10.03%, RAT-ah 10.03% leh FIA-ah 0% a ni.

August 28, Inrinnia sample endik dan chu - ZMC-ah Aizawl leh Serchhip district-a mi 1,522, TrueNAT hmangin district 11-ah 397, RAT hmangin district 11-ah 8,655 leh FIA hmangin pakhat ni a, a vaiin sample 10,575 a ni. Sample endik aṭanga hripui vei hmuh chhuah 880 chu 8.32% a ni a; ZMC-ah 11.63%, TrueNAT-ah 15.61%, RAT-ah 7.39% leh FIA-ah 100% a ni.

Zirtawpni leh Inrinnia district tina hripui vei hmuh belh dan chu - Aizawlah mi 769, Lungleiah 236, Mamitah 208, Champhaiah 149, Kolasib-ah 152, Lawngtlaiah 128, Siahaah 77, Serchhipah 19, Hnahthialah 19, Saitualah paruk leh Khawzawlah pathum a ni.

August 27-a hripui vei hmuh chhuah 886-te chu symptom nei 466 leh nei lo 420 an ni a, tualchhunga kai 874 leh state pawn aṭanga lut 12 niin, tualchhunga kai zingah kaina chin hriat loh 508 an awm. August 28-a hmuh chhuah 880-te chu symptom nei 379 leh nei lo 501 an ni a, tualchhunga kai 874 leh state pawn aṭanga lut paruk niin, tualchhunga kai zingah kaina hriat loh 392 an awm.

August thlaa ni 28 chhungin Mizoramah Covid-19 vei mi 18,598 hmuh chhuah a ni tawh a, chawhrualin ni tin mi 664.21 hmuh chhuah an awm ang niin, tun hnaiah a pung leh hret hret tawh. Mizorama Covid-19 vei hmuh tawh zat 57,522 chu kum 2011 chhiarpui angin, Mizorama mi 1,000 zelah hripui vei mi 52 an awm ang a ni.
Nimin khan tlai dar 5 thlengin hripui laka fihlim tawh mi 202 chhuahtir an ni a, Inrinni khan mi 632 chhuahtir an ni bawk.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 13,311 hmuh chhuah a ni tawh a, TrueNAT-PCR hmangin 3,334, RAT hmangin 40,832, FIA hmangin 44 leh Guwahati-ah pakhat hmuh chhuah a ni tawh.

IDSP tarlan danin, August 28, 2021 thlengin Mizoramah swab sample 8,48,452 endik a ni tawh a, chu'ng aṭanga Covid-19 vei hmuh tawh zat 57,522 chu 6.78% a ni. Hripui vei hmuh tawh zinga mi 53,192 chu Mizoram chhunga kái chhâwng an ni a, mi 4,330 chu Mizoram páwn aṭanga an rawn luh hnua hmuh chhuah an ni.