MLA-in Myanmar ráltlânte a tlawh

Lawngtlai West bialtu MLA C Ngunlianchunga chuan nimin khan Myanmar ram tualchhung buaina avanga Mizorama rawn ráltlân, R Dengṭhuama Indoor Stadium-a awm mekte a tlawh.

C Ngunlianchunga chuan, Myanmar rama democracy tun din a nih theihna tura hma latu, tun dinhmuna an rama awm a him loh vanga Mizorama ráltlânte chu thlamuang taka awm turin a chah a; harsatna an neihte sutkianpui turin theihtawp chhuahpui zel a inhuam thu a sawi.

C Ngunlianchunga chuan, R Dengṭhuama Indoor Stadium-ah hian Myanmar rama MP 16 leh MLA pali an awm mek thu a sawi a; an mamawh tur chi hrang hrang a pe nghal a ni.