Fairèl béla sum lut DC hnenah hlân

LPS Vision leh ZONET Cable TV-te'n inkharkhip vanga khawsak harsate chhawmdawlna atana charity concert (Fairèl bél) an buatsaiha sum tling khawm Rs. 23,45,000 chu nimin khan Aizawl DC Dr Lalhriatzuali hnenah an hlân.

Chhawmdawlna tur sumte hi Mizoram Koh­hran Hruaitute Committee secretary Rev. Lalrinsanga'n Pathian hnenah a hlan a; ZONET director LV Lalthantluanga chuan, programme an buatsaih­naah Pathian hruaina an chan thu sawiin, "Kan prog­ramme buatsaih a hlawhtlin theihna atana thâ thawhtu leh pawisa thawhtu zawng zawng hnenah lawmthu kan sawi a ni," a ti.

Pawisa hi Fairèlbél Utilization Committee-in a sem dan tur an rèl zawhah a dawng turte hnenah hun remchang hmasa berah hlan a ni ang.