CBSE-ah EMRS ziahluh rel

Eklavya Model Residential School (EMRS) Society chu nimin khan Social Welfare minister Dr K Beichhua hoin a pisa-ah an ṭhukhawm a; NESTS-in a phût angin, EMRS hnuaia pawl 12 zirlai, MBSE hnuaia ziah luh (affiliate) tawhte chu CBSE-ah ziah luh an rêl.

Dr K Beichhua chuan, Mizoramin district thar pathum a lo neih belh tak avanga a hmun hming lehkha-a tihdanglam ngai hret hrette siamṭhat a nih chuan EMRS thar pakua din phalna hmuh a nih ngei a beisei thu a sawi.

Hindi thiam loh avanga Mizoram mipuiin harsatna an tawh ṭhin chungchang NESTS hotute a sawipui thu sawiin, "EMRS aṭanga hmalak dan tur kan sawiho," a ti.

Meeting-a tarlan a nih danin, Mizoramah tun dinhmunah EMRS pahnih Serchhip leh Pukpui, Lungleiah a function tawh a, Ngopa, Tuipang, Chawngte leh Lawngtlaiah class 6 aṭangin class 9 thleng online-a class kalpui ṭan tawh a ni bawk.