Task force ṭanpui dan tur tichhuak

Chief Minister’s Relief Fund for COVID-19 aṭanga Aizawl district-a task force 46-te hnena ṭanpuina Rs. 20,000 ṭheuh pek dan tur nimin khan Aizawl DC Dr Lalhriatzuali Ralte-in a tichhuak. Community covid care centre (CCCC) enkawlna leh mipui harsatna sukiang tura an hmalakna hrang hrang avangin ṭanpuina pek a nih thu a tarlang.

Aizawl Bawrhsap chuan, incident commander-te chu DC pisaa Nazir Branch aṭangin September 3, 2021 aia tlai loah an bial chhunga LTF/VTF-te ṭanpuina dawn tur la chhuak turin a hriattira, "September 7, 2021 aia tlai loah a dawngtu tur LTF/VTF kutah hlan hman hram tum tur a ni a, ṭanpuina hlan rual hian APR (Nazir Branch-in an buatsaih)-ah a dawngtuin seal leh signature a pe ang," a ti. APR chu a rang lama Nazir Branch-a thehlut turin incident commander-te a hriattir bawk.