CYMA leh PWD thawhhona sawiho

Central YMA leh Mizoram sorkara Public Works Department (PWD)-te thawhhona thuthlung sawihona hun nimin khan Vanapa Hall-ah buatsaih a ni a; YMA sub-headquarters, group leh Aizawl khawpui chhunga branch hruaitute leh PWD hotute an tel.

CYMA leh PWD thuthlung sawihona inkhawm hi PWD engineer-in-chief K Lalsawmvela'n a kaihruai a, CYMA president Vanlalruata'n thu sawiin, CYMA leh PWD thawhhona awm mek chungchang leh YMA dinhmunte a sawi. CYMA general secretary Prof. Lalnuntluanga'n CYMA leh PWD an thawhho chhan leh thawhho dante a bulthûm aṭangin a sawifiah.

K Lalsawmvela'n Mizorama PWD hna kal mekte leh hmachhawpte a sawi a, YMA sub-headquarters, group leh branch aṭanga sawiho tura rawtna awmte sawiho a ni a; thawhhona chungchangah zawhna leh chhanna hun leh sawiho hun hman a ni bawk.