Inkhawmpui sum hman bâng sem

Mizoram Baptist Kohhran Hmeichhe Pawl (MBKHP) Inkhawmpui 2018 Organising Committee chu nimin khan an ṭhukhawm a, MBKHP inkhawmpuia sum hman bângte sem dan tur an rêl.

February 1-4, 2018 chhunga MBKHP Inkhawmpui atan hian budget cheng nuai 35 siam a ni a, a tawpa sum hmuh chu nuai 44.3 a ni. Sum an hman zawng zawng chu nuai 34.79 a ni a, Rs. 9,62,685 an hmang bâng a ni.

MBKHP chuan an sum hman bâng hi MBKHP Chhawmdawlna In boys hostel sakna atan Rs. 1,00,000, Shillong-a BCM biak-in sak nan Rs. 1,00,000 leh inkhawmpui neihna Lunglawn pastor bial chhunga kohhran panga hnenah Rs. 1,00,000 ṭheuh an pek an rel a; a la bang zawng chu Lunglawn biala BKHP, ṬKP leh BMP-te hnenah pek an rel bawk.