Kum 2017-2018 chhunga kawng siamna atan nuai 85,640.25 dah, nuai 32,757.07 hmang tawh

PWD minister Lal Thanzara chuan, sorkar kum kal mek, 2017-18 chhung atan kawng siamna turin budget-ah cheng nuai 85,640.25 dah a nih thu leh, kawng enkawlna (maintenance) atan bik cheng nuai 9,606.49 dah a nih thu House a hrilh.

MNF member K Sangṭhuama zawhna chhangin PWD Minister chuan, kum 2017-18 chhung atan kawng siamna turin budget-ah cheng nuai 66,764 dah a ni a, additional fund nuai 19,153.25 dah a ni bawk a, a vaia kawng siamna atana sum dah zat chu nuai 85,640.25 a nih thu a sawi.

Minister Lal Thanzara sawi danin, kawng siamna atana sum dah zawng zawng aṭangin kawng enkawlna (maintenance) atana sum dah dah chu hetiang hi a ni a: minor works atan nuai 3,950, NEDP aṭangin nuai 2,754.37, minor works (additional) atan nuai 1,264.30 leh State Priority Project atan nuai 1,637.82 a ni.

PWD Minister chuan, kum 2017-18 chhunga kawng siamna atana Central

aṭanga sum hmuh zat chu nuai 26,521.49 a nih thu leh, kum 2017-18 chhungin cheng nuai 32,757.07 hman tawh a nih thu a sawi.

Zawh belhna chhangin Lal Thanzara chuan, kawng siamna atana sum dah, la hman lohte chu financial year kal mek chhungin hman zawh hman a nih dawn loh thu a sawi a, "Dan pangngaiin kan dahṭha ang a, a lak chhuah leh theih hunah kan la chhuak leh mai ang," a ti.