PRISM office-ah MPF an lêng

Mizoram People Forum (MPF) hruaitute chuan nimin khan PRISM office an tlawh a; MPF president Rev. F Lalrinnunga, Synod moderator chuan, Mizoramah rorelna dik leh sorkar ṭha a awm theih nana ṭan la sauh sauh turin PRISM party mite a fuih.

Rev. F Lalrinnunga chuan, Mizote'n ngaihtuahna an hman tak tak a ṭul tawhzia a sawi a, "Rorelna dik leh sorkar ṭha a awm ngei theih nan hma la sauh sauh rawh u,' a ti a; PRISM party mite chu Pathian duh dana huai taka kal turin a chah a ni.

An inkawmhonaah hian MPF general secretary Rev.Dr R. Lalbiakmawia’n MPF leh party-te thawhhona thuthlung a sawifiah a; MPF hruaitu dangte leh PRISM hotute'n thu an sawi bawk.