April thla tirah CADC inthlan duh

MNF party hruaitute chuan nimin khan Governor hnenah lehkha an thehlut a, Chakma Auto­nomous District Council (CADC) sorkar term kal mek chu kumin April thla tawp lamah a tàwp dawn avangin, April thla tìr lamah inthlan an duh thu an thlen.

Raj Bhavan-ah hian MNF hruaitute chu treasurer Van­lalzawma hoin Dr K Beichhua, MLA leh H Rammawi hruaitu dangte an kal a; CADC sorkar ding lai chuan sum an la neihte an duh ang tâwka an hman theih nan an term pawtsei turin ruahmanna an siam tih an hriat thu tarlangin, CADC inthlan chu April 2018 chawlhkar hmasa bera neih ngei a nih theihna turin ngenna an thehlut a ni.

MNF lehkha hi Governor a zin avangin a aiawhin a Secretary-in a lo dawng a ni.