World Consumers Right Day hmang

Nimin khan Lunglei College multipurpose hall leh Mamit Chhimveng YMA Hall-ah World Consumers Right Day hman a ni a; thupui chu 'Making digital mar­ketplaces fairer' tih a ni.

Lungleiah chuan Lunglei District Con­sumer Association (LDCA) huaihawtin hman a ni a, Lunglei DC Lalzarmawii khuallian a ni. Lalzarmawii chuan, consumer-te chanvo leh dikna humhalhna kawngah dan mumal tak Consumer Protection Act 1986 a awm thu sawiin, "Kan chanvo dik tak kan chan theih nan kan zir chiana kan hman ṭangkai ṭheuh a ṭul. Consumer-te'n an chanvo dik an hmuh theih nan ukil rawih ngai loin Court-a kal theihna dan a awm a, kan hman ṭangkai a ngai a ni," a ti.

Mamit District Con­sumers' Organisation (MDCO)-in World Consumers Right Day hmanna an buatsaih chu MDCO vice president H Lalramliana'n a kaihhruai a, Addl. DC Jacob Lal­awm­puia khuallian a ni.

Jacob Lalawmpuia chuan, World Consumers Right Day chu Mizo mipui tana pawimawh a nih avangin, a hun a thlen vanga hmang mai mai ni loin, hlâwkpui taka hmang turin kal khawmte a chah a, "Kan thil hman leh leite a him tur a ni a, a him ṭha lo a nih chuan min leitirtute hriattir leh tur a ni. Kan lei turte hi a chanchin dik kimchang takin a zuartute'n min hrilhfiah tur a ni a, kan thil lei a ṭha tâwk lo a nih chuan kan complain thiang a, kan thleng thei a, kan thleng tur a ni," a ti.