Kawng chhiat chhanah PWD Minister puh

Ṭangrual pawl, Zoram Peoples' Movement (ZPM) chuan thuchhuah siamin, Mizorama kawngpui hrang hrang a chhiat chhan chu PWD Minister a nih thu an tarlang a, "Assembly House-ah buichhia laih lohin a inpuang a ni," an ti.

ZPM chuan, kawng siamna tur sum hman sên loh awm siin, kawng a chhe kumtluan chu hriatthiam harsa an tih thu an sawi a, "Kum kaw chhunga kawng chhiatzia leh mipui tawrhna zozai kha kan theihnghilh dawn lo a, inthlan dawn a ni kum tin lo hi a pawi hle a ni," an ti a; kumin 2017-18 atan Mizoram kawng siamna tur cheng nuai 85,640.25 a awm chu lawmawm an tih rualin, sum chu a hmanna tur dik taka hmang turin Mizoram sorkar an ngen a ni.

ZPM chuan, ram hruaitute'n mipui an hlau lo a nih pawhin, Pathian tal chu hlau tura an duh thu an sawi a, "Hnama min siamtu Pathian lalna an nghakhlel tawh hle a, mihring theihna leh chakna chuan tàwp chin a nei ṭhin a, chuvangin, Pathian ráwn chunga ram roreltu tur 2018 inthlan lo awm turah ngaihtuahna hmang turin mipuite kan beisei a ni," an ti.