Ráltlân naupangte sikul kaltir dawn

Myanmar tualchhung buaina avanga Aizawla Myanmar MP awm mekte chuan nimin khan School Education minis­ter Lalchhandama Ralte chu a pisaah an hmu a, Myanmar ráltlân Mizorama awm mekte'n zirna an chhunzawm theih dan tur an sawipui.

School Education Minister chuan, Myanmar ráltlân naupang, sikul kai rualte chu inthlei bikna awm loin Mizoramah sikul kaltir vek turin sorkarin thuchhuah a siam nghal tur thu a sawi a ni.

Lalchhandama Ralte chuan, Myanmar tual­chhung buaina avanga Zo hnahthlakte'n harsatna an tâwk chu a tawrhpui thu sawiin, mipui thlan sorkar tun din a nih leh thuai a duhpui thu a sawi a, "Mizoram sorkarin a theih ang tâwkin harsatna an neihah a ṭanpui zel dawn a ni," a ti.

Myanmar MP-te hi MZP president B Vanlal­tána'n a ṭawiawm a ni.