Lungleiah ‘My pad, my right' hawng

NABARD hnuaia NABFOUNDATION hma­lakna pakhat, ‘My pad, my right’ chu Lunglei district-a hman turin nimin khan Lunglei High Powered Committee vice chairman Lawmawma Tochhawng, MLA-in a hawng.

Lawmawma To­chh­awng chuan, NABFOUNDATION prog­ramme-in hmeichhiate tan nghawng thui tak a nei tih sawiin, "NABARD kaltlanga hmeichhiate mamawh phuhrûkna tur Mizorama a vawi khat nan Lungleiah siam a ni hi a lawmawm tak zet a ni," a ti.

‘My pad, my right’ hi self help group-te tan eizawnna leh entrepreneurship lama hma an sawn theihna tura ruahman a ni a, project kaltlangin Lunglei Ainawn SHG-ah sanitary pad siamna khawl bun a ni.