Covid-19 léng kaihhnawiha Hmalak dan tur sawiho a ni

Covid-19 Medical Operational Team chu an chairman Dr ZR Thiamsanga, MLA hoin nimin khan an ṭhukhawm a, Covid-19 léng kaihhnawiha hmalak dan tur an sawiho.

Dr ZR Thiamsanga chuan, Covid-19 léng mek donaa thawktute leh tlawmngai pawlte inpekna ropui a tih thu a sawi a, "Thâ thlah loa theihtawp chhuah zel a ṭul. Mipui pawhin Covid-19 laka kan himna tura sorkarin dan a zamte kan zawm hrâm hrâm a pawimawh a ni," a ti.

Ṭhutkhawmah hian Covid-19 darh zel venna atana hmalak dan tur te, swab sample endik rûnpui leh hripui veite enkawlna chungchangte sawiho a ni a; Aizawl bakah, hmun danga Covid-19 vei tamna hmunte tlawh a, an harsatnate enpui an rêl a ni.

Meeting-ah hian MOT member-te bakah, IDSP state nodal officer Dr Pachuau Lalmalsawma leh state containment zone incharge Dr Lalremmawii te an tel.