KHAWTHLIR
Thisen pe
Bethlehem Vengthlang Branch YMA chuan Inrinni khan Aizawl Civil Hospital tan thisen unit 94 an pe a, a petute mipa 65 leh hmeichhia 29 an ni. Champhai Ruantlang Branch KṬP-in an diamond jubilee pualin Champhai District Hospital tan unit 46 an pe a, a petute mipa 43 leh hmeichhia pathum an ni. Nursery Veng Branch KṬP-in Synod Hospital tan unit 37 an pe a, a petute mipa 31 leh hmeichhia paruk an ni. Aizawl Civil Hospital-ah Phullen Students Union-in unit 17 leh South Lungpher Students Union-in unit 9 an pe bawk.
Global Youth Day
March 17, Inrinni khan Global Youth Day a ni a, he ni pual hian Seventhday Adventist ṭhalaite chuan Mizoram hmun hrang hrangah hun hmangin, vantlang tana hna an thawk. Global Youth Day pual hian Aizawla SDA
ṭhalaite chuan Aizawl Civil Hospital-ah unit 67 an pe a, Lunglei Civil Hospital-ah unit 8, Lawngtlaia SDA ṭhalaite'n unit 7 leh ṬKP Immanuel unit, Lawngtlai Vengpui-in unit 12 an pe bawk.
Lehkhabu tlangzarh
KC Lalthansanga lehkhabu buatsaih, 'Mizoram Election Result and Statistic' tih chu March 17, Inrinni khan Central YMA Hall-ah MJA president Vanlalrema Vantawl-in a tlangzarh.
ODF enfiah
PHE secretary KT Beichho chuan Inrinni khan pawna inthiar awm lohna, open defecation free (ODF)-a Mamit district puan theih a nih leh nih loh a enfiah. Mamit District ODF verification hi block level leh district le-
vel-ah tih a ni tawh a, tunah hian state level verification tih mek niin, zawh ṭêp a ni. Zawlnuam Block-a khaw pahnih, Kanhmun leh Luimawi khuate enfiah hmabak a la awm.
Kawng enfiah
Mamit khawpui chhunga NEDP hnuaia kawngpui siamṭhat hna thawh mek chu Inrinni khan bialtu MLA John Rotluangliana'n a tlawh a, hna thawh dan a enfiah. NH-44A kawng sialin Mamit khawpui a luh tawh loh avangin Mamit khawpui chhung kawngte enkawla chei ṭhat nan hian NEDP hnuaiah cheng nuai 132 ruahman a ni.