Biate hnam ṭawng zirho a ni

Sahitya Akademi, Kolkata bultumin, Mizo Academy of Letters (MAL) leh Hrangbana College-a Mizo depart­ment-te chuan Inrinni khan Hrangbana College hall-ah Mizo hnam péng pakhat, Biate ṭawng zir­hona an buatsaih a, IPR director David L Thangliana'n a hmanpui.

David L Thangliana chuan, Biate hnam chu Mizo hnam hrang hrang zinga thlangtla hmasa an nih thu sawiin, Mizoram mai ni lo, ṭhenawm state - Assam, Manipur leh Tripura-a awm darh an nih avangin an awmna hmuna ṭawng lian zawk leh chak zawkin a nêk reng a, Biate ṭawng chu ral mai hlauhawm khawpin ṭawng humhalh ngai zingah a tel ta tih a sawi.

Zirhona hi MAL president Prof. Lal­tluangliana Khiangte-in a kaihruai a; thupui sawi hawngtu Darchuailova Renthlei chuan, Biate-te chu Mizo hnahthlak dangte ang thoin Chhinlung chhuak an nih thu a sawi.