Bangladesh foreigner-te hnawh chhuah phût

MNF ṭhalaite chuan thuchhuah siamin, Assam ram chhung, Mizoram lam hnaiha awm Bangladesh aṭanga dan loa pêm lutte chu hnawt chhuak vek turin Assam sorkar leh sorkar laipui an phût.

MYF chuan, Assam state leh Hailakandi district-a mite'n Bairabi-a Mizoram chief minister hmasa ber Ch. Chhunga leilet thlenga ram an chuh ngam chu thinurthlak an tih thu an sawi a; Hailakandi district chhung, Mizoram depa awmte zinga a tam zawk chu Indian khua leh tui dik tak ni lo, Bangladesh Muslim deuh hlir an nih thu sawiin, "India ram himna atan pawh a him lo thei hle. An zingah Islamic firfiak an awm lo ang tih pawh sawi harsa tak a nih avangin Assam sorkar leh India sorkar hian tun aia an ngaih pawimawh a ngai a ni," an ti.