Zophai chungchangah Mizoram leh Assam CS an inbe dawn

Vawiin hian New Delhi-a Ministry of Home Affairs pisaah Mizoram leh Assam Chief Secretary-te chu Bairabi Zophaia buaina thleng chungchangah Union Home Secretary kaihhruaiin an inbe dawn.

Inbiak tur chungchang­ah hian nimin Assembly session-ah chief minister Lal Thanhawla chuan, inbiakna hi ramri chinfel chungchang a nih loh thu a sawi a, "Zophaia buaina thleng chinfel vat a nih dan tur an sawiho dawn a ni," a ti.

Inbiaknaah hian Mizoram aiawhin chief secretary Arvind Ray a tel dawn a, Home de­partment-a additional secretary Lalbiakzama leh OSD David H Lal­thangliana ten an ṭawi­awm dawn a ni.