VTP-te sum cheng nuai 294.2 la bá

Labour, Employment, Skills Development & Entrepreneurship (LESDE) minister H Rohluna chuan MNF member Lalruatkima zawhna chhangin, Skill Development Initiative Scheme (SDIS) hnuaia vocational training provider (VTP)-te hnenah cheng nuai 294.2 pek a la nih loh thu House a hrilh.

H Rohluna sawi dain, SDIS hnuai­a hmalakna atan hian sorkar laipui aṭangin cheng nuai 867.8 hmuh a ni tawh a, Mizoram chhunga VTP-te hnenah cheng nuai 230.5 leh Mizoram páwna VTP-te hnenah cheng nuai 603.8 pek a ni tawh. Mizoram chhunga VTP-te chu an pawisa tur pek kim a ni tawh a, Mizoram páwna VTP-te chu cheng nuai 294.2 an la pe kim lo a ni.

SDIS hnuaiah hian mi 2,936 training tur a ni tawh a, chu'ng zinga mi 1,568 chuan hna thawh tur an hmu tawh. Kum 2017-2018 chhung bikah chuan SDIS hnuaiah hmalakna a awm lo.