Green house 1,057 sem

Horticulture minister PC Lalthanliana chuan INC member TT Zothansanga zawhna chhangin, kum 2013-2018 chhungin greenhouse 1,057 sem a nih thu House a hrilh.

PC Lalthanliana sawi danin, greenhouse hi MIDH hnuaiah 1,002 leh RKVY hnuaiah 505 sem a ni tawh a, greenhouse atan sorkarin 90% a tum a, a dawngtute'n 10% an tum thung. A man chu square metre-a chhût a ni a, a dawngtute'n an duh len dan azirin a man a danglam a ni.

Horticulture Minister chuan, greenhouse sem chu zawngchhang tlak an tih thu sawiin, "Kan thlai thar chhuahte a thiang­hlim phah a ni. Uar deuh deuh kan tum. Repair a ngai zing a, department-in repair a nih theihna atan ruahmanna siam a ni," a ti.