Food Processing Conclave 2018

Confederation of Indian Industry (CII) leh Ministry of Food Processing Industries ṭangkawp chuan, nimin khan Aijal Club-ah ‘Developing the Food Processing Sector in Mizoram - Opportunities and Challenges’ tih thupui hmangin Food Processing Conclave 2018 an buatsaih a, Governor Lt. Gen. Nirbhay Sharma-a'n a hawng.

Governor chuan, Food Proce­ssing Conclave 2018 chu ei tur sawng­bawl kawnga hmalakna pawi­mawh a nih thu sawiin, "Hmasawn­na tur a la tam. Sorkar, investor leh kut hnathawktute inlung­rual taka an thawhho a pawimawh. Mizoram hian ṭhenawm ramte nena insumdawn tawn turin hmun pawimawh tak a luah a ni. Tunlai thiamna hmanga thlawhhma kan lak dante tidanglam a, ei tur sawngbawl sa laka kan rilru puthmangte kan thlak a, investment ti duhte ko lut tura kan inhawng a ngai," a ti.

CII member Maggie Lalnunsangi chuan, value addition leh value chain management-te hmanga thei leh thlai thar chhuahte chu man man zawka tihral an nih theih thu a sawi.

Food Processing Conclave 2018-ah hian technical session pa­thum - value addition & technology intervention, central and state government schemes to promote food processing leh access to market and establish linkages-te neih a ni.