Ar vulh zirna buatsaih

Agricultural Technology Management (ATMA) leh KVK Central Agriculture University, Selesih chuan nimin khan Seleshihah ar vulh lama tuite tan training an buatsaih. Training hian ni ruk chhung a awh ang.

Training hawn inkhawm­ah State Agirculture Management & Extension Training director RK Nithanga chuan, ṭhalai lehkhathiam zawk, a ngaihna hre tur zawk hna thawk peih lo leh awm an tam tak avangin ruihlo leh zu bawiha táng ṭhalai an tam telh telh thu a sawi a, "Kan rama kut hnathawktute kum upa lam hlir kan nih avangin intodelhna kawngah harsatna a awm ṭhinna ṭhalai zawkte'n hna thawh kan uar a ṭul tak zet," a ti.

College of Veterinary Science-a dean, Prof. Lalnuntluangi Hmar chuan, ar vulh zir turte chu college-a hun puma zirte zir ang tho a tawi zawnga an zir theih avangin ṭhahnemngai taka zira an thiam lohte zawt fiah turin a chah.