KHAWTHLIR

ZPM Legislature Leader Lalduhoma puh hmingchhiatna chhui 

turin, ZPM Ṭhalai chuan an president Malsawmzuala hmingin Aizawl PS-ah nimin khan FIR an thehlut a, IPC section 500, 153A, 505(2) leh IT Act 66A te behchhana thubuai siam turin an ngen.

Animal Husbandry & Veterinary department chuan, India hmar­chhak páwn lam aṭangin Mizorama private dealer-te chu vawk puitling hrisel ṭha lak luh a phalsak. Sorkar thu­chhuah tarlan danin, vawk lak luh turte chu PRRS, African Swine Fever, Classical Swine Fever laka fihlîm an ni tur a ni. Vawk la lut turte chuan AH&Vety hnuaia vete­rinary practitioner hnen aṭangin phalna (valid permit) leh vawk hrisel a ni tih hriatna (soundness certificate) an neih ngei a ngai bawk.

Hrangbana College NSS unit chuan nimin khan an college Golden Hall-ah blood donation camp an huaihawt a, Aizawl Civil Hospital blood bank tan thisen unit 236 an pe a, a petute mipa 152 leh hmeichhia 84 an ni.

dan sawiho

Nimin khan Kolasib DC conference hall-ah district bawrhsap Sang­chhin Chinzah kaihhruaiin ‘The Mizoram Government Land Pooling and Management Scheme’ chungchang sawiho a ni a, Kolasib district 

chhunga sorkar department hrang hranga hotute an tel. 

Information & Public Relations department chuan nimin khan an auditorium-ah 'Film Artist Training' an buatsaih a, IPR director Lallianpuii'n a hawng. Lallianpuii chuan, training turte chu tih tak zeta bei turin a chah. Training hi February 7, Zirtawpni thleng awh tur a ni a, mi 30 chuang an tel a ni.

Ramthanmawia, MLA chuan nimin khan a bial chhunga Farkawn community hall-ah Mizoram Upa Pawl, Farkawn Area Conference a hmanpui. Ramthanmawia chuan, Mizo ṭawnga 'tar' tih chu 'kum upa' tia thlak theih ni se a duh thu sawiin, "Kei chu tu leh fate'n min châwm ringawt mai a ni, kan ti fo hi a ṭha lo hlein ka hria. Kan tu leh fate lakah hian kan inthla­hrung tur a ni lo, tuisik an nih lai aṭanga châwm seiliantute in ni," a ti.