Kolasib-a mi 4 thih chhan chhuitu tur din
Kolasib district bawrhsap Dr H Lalthlangliana chuan August 27, 2021-a Kolasib-a mi pali, tuizém chhunga an thih chhan chhui chiang turin member pathum awmna magistrate inquiry a din.
Mi pali thih chhan chhui chiang tura ruatte chu Bilkhawthlir BDO R Lalhmangaiha, Kolasib DVO Dr Enkunga Chhangte leh Kolasib CMO Dr H Lalnunhlua te an ni a; ni sarih chhungin an thil hmuh chhuahte DC hnena thehlut tura tih a ni. An thih chhan dik tak an chhui piah lamah, hun lo kal zelah invèn theih dan tur rawtna siam tura tih an ni bawk.