ASF vangin vawk 25,659 thi tawh

Vawk pùl hri, African Swine Fever (ASF) avangin nimin thleng khan Mizoramah vawk 25,659 a thi tawh a, vawk 9,637 suat (culled) a ni tawh bawk. Khua/veng 237-ah ASF a léng tih finfiah a ni tawh.

Animal Husbandry & Veterinary department tarlan danin, nimin khan ASF infected area-ah vawk 80 a thi a, vawk 15 suat a ni. Infected area páwn lamah ASF vei nia rinhlelh vawk 46 a thi bawk. Nimin thleng khan ASF infected area-a puan ni lo khua/veng 107-ah chhan hriat lohin vawk 1,031 a thi tawh a ni.

Chhan hriat loha vawk leh sanghal thi hriate chu phone number 8731975444 leh 8974027269-ah hriattir zel turin AH&Vety department chuan mipui an ngen.