BPL tan gas connection

Mamit district-a below poverty line (BPL) chhungkaw zinga hmeichhia kum 18 tling tawh, gas connection la nei lote tan PM Ujjwala Yojna 2.0 hnuaiah a thlàwnin gas connection dil theih a ni.

Sorkar thuchhuah tarlan danin, gas connection dil turte chu chhungkuaa LPG connection la nei lo an ni tur a ni a, Aadhaar card leh BPL ration card an neih a ngai bawk. Dil duhte chuan pmuy.gov.in (Apply For New Ujjwala 2.0 Connection)-ah dil theih a ni a, hre chiang duh tan bialtu BDO pisaah ngaihven theih a ni.