World Forestry Day hmang

Nimin, March 21 kha World Forestry Day a ni a, he ni pual hian Mizoram hmun ṭhenkhatah hun hman a ni.

He ni pual hian Tlabung Forest Division leh Tlabung Branch YMA-te chuan Khawthlangtuipuia Vantaikhawra sangha man phal lohna hmun, No Fishing Zone-ah hun an hmang a, assistant conservator of forest PC Lalthankima'n Chief Minister thuchah a chhiar chhuak a; Tlabung Branch YMA-in No Fishing Zone an siama sangha chaw lei nan Rs. 5,000 a pe bawk.