PYD Day hman a ni

UPC (North East India) ṭhalai, Penticostal Youth Department (PYD) chuan nimin khan Mizoram hmun hrang hrangah PYD Day vawi 49-na an lawm.

PYD Day-ah hian bial leh local hrang hrangte chuan intihhlimna leh vantlang tana thawhna hun atan an hmang a; khawlaia zun-inte tifaiin an thawm ṭha a, bawlhhlawh báwm siamin hmun remchangah an dah a, khawlai an thianfai a, damdawi-ina ei leh in tur semte an awm. Work camp neihna hun atana hman leh information technology hman dan inzirtirna hun atana hmang an awm bawk.

UPC (NEI) Executive Board-in March 21, 1969-ah ṭhalai pawl a din a, a hmingah Pentecostal Conqueror tih a ni a; a hnuah Pentecostal Youth Department tih a ni.