Zu donaa inthlahdah tumah PRISM-in sorkar an ngai

PRISM party chuan thuchhuah siamin, Mizoram 2018-19 budget chu zu hralh tam tum si a, zu dona lama inthlahdah tumna budget nia an ngaih thu an tarlang a, "Mipui phur tirit thlâwn budget hi pawm tlakah kan ngai lo," an ti.

PRISM chuan, minister R Lal­zir­liana chan Excise & Narcotics department budget tharah zu nasa zawka hralh an tuma a lan thu sawiin, "Kum kal laia zu chhiah leh a kaihhnawih aṭanga cheng nuai 5150 hmuh tura beisei chu budget tharah hian nuai 5940 hmuh tum a ni," an ti a; chutih laiin, zu dona lamah inthlahdah an tum nia ngaih theihin Excise & Narcotics department budget chu kum 2017-18 aia tlem zawk dah a nih thu an sawi.