JNV-ah bill pek loh cheng nuai 566.98 a awm

Commerce & Industries minister H Rohluna chuan, JNV Khawzawl leh JNV Mamit saknaah running bill pek loh cheng nuai 566.98 a la awm thu House a hrilh.

MNF member Lalruatkima zawhna chhangin H Rohluna chuan, JNV Khawzawl leh JNV Mamit sak hna chu MAMCO-in an thawh mek thu a sawi a, "JNV Khawzawl atan hian sanction amount chu cheng nuai 1179.66 a ni a, JNV Mamit atana sanction amount chu cheng nuai 1805.64 a ni," a ti.

H Rohluna sawi danin, JNV Khawzawl atana running bill pek hnuhnun ber chu October 10, 2014 a ni a, bill pek loh cheng nuai 356.53 a la awm. JNV Mamit atana running bill pek hnuhnun ber chu November 18, 2015 a ni a, bill pek loh cheng nuai 210.45 a la awm. JNV pahnih atana bill pek loh belhkhawm chu cheng nuai 566.98 a ni.

JNV pahnih tan hian revised estimate siam a ni tawh a, Navodaya Vidyalaya Samiti Hqrs., Noida-ah thehluh a ni tawh a, bawhzui mek a ni. Revised estimate pawm a nih hma chuan bill pending awmte pek chhuah theih a ni lo.

Zawh belhna chhangin Commerce & Industries Minister chuan, MAMCO chu Cabinet-in ṭhiah turin ti mah se, ṭhiah a la nih chiah loh thu a sawi a, "A process a thui khawp mai," a ti.