Twitter-ah pawh 'Black Panther' bawk a hit

'Black Panther' chuan Box Office-ah kar nga chhung zet sum lalut hnem ber nihna a hauh tawh a, twitter lamah pawh a hit zui zel.

Twitter hmangtute chuan Black Panther chuangchang hi an sawi nasa hle a, movie zinga tweet nasat ber a ni.

Thawhlehni khan Twitter chuan he film leh a kaihhnawiha tweet hi maktaduai 35 vel zet a awm tih an sawi a, record a siam a ni. Black Panther hi U.S leh UK aṭangtein tweet tu an tam ber a, Thailand mi an tam hle bawk.

Black Panther hian Star Wars: The Force Awakens a khum niin an sawi a, movie chhuak tawh zinga tweet nasat ber a nih thu an tarlang. Star Wars : The Last Jedi chu a hit zual top 3-ah a lang bawk.

Kumin January thla tawpa tlangzarh fantasy/science fiction film Black Panther hi a hit rem rem hle a, a sum lakluh pawh a turu hem hem hle. Box office aṭanga a sum lakluh tawh zawng zawng hi $mtd 607 zet a tling tawh a, khawvel hmun dang aṭanga a lakluhte nen chuan $tld 1.2 zet a tling tawh a ni. Billboard 200 Chart-ah pawh Black Panther : The Album chuan No. 1 a hauh phak a, tehna hrang hrangah a hlawhtling vel vek a ni.