US-ah Taylor Swift album hralh a kal

Taylor Swift album 'Reputation' chu US-ah ringawt copy maktaduai hnih chuang hralh a ni tawh a, hralh tla ber a ni mek.

'Reputation' hi Swift-i album parukna a ni a, ni­kum November thla khan tlangzarh a ni. US-ah hian tun hnai kum hnih chhunga copy maktaduai hnih hralh chhuah awm chhun chu 'Reputation' hi a ni. Nielsen Music-in a tarlan dan chuan Swift album hi tlangzarh aṭanga kar khat chhungin copy maktaduai 1.21 hralh chhuah a ni a, record siam tur­in hun a mamawh rei lo hle.

Reputation hi November 10 - March 15 chhungin copy mak­taduai hnih chuang hralh a ni.

Kum 2015 khan Adele album '25' chu ni thum chhung lekin copy mak­taduai hnih chuang hralh a lo ni tawh a, tlangzarh aṭanga kar khat chhungin maktaduai 3.38 zet hralh chhuah a ni. Adele album pathumna '25' hi US-ah ringawt tun thlengin maktaduai 9.45 zet hralh a ni tawh a, a turu rem rem hle.

English singer record duhawm tak khum tur hian Swift hian hmabak a nei hautak hle a ni.

US-ah hian tun hnai kum 10 chhunga album copy maktaduai chuang hralh a awm meuh lo a, Swift album 'Reputation' leh Ed Sheeran album 'Divide'-te chu hralh kal zual an ni.