Serchhip district chhunga Khaw 32-ah inkhawm thei

Serchhip additional DC Lalmuansanga Ralte chuan, Serchhip district-a khaw 32 hnenah biak-ina inkhawm phalna pek a nih tawh thu nimin khan a tarlang.

Inkhawm phalna khuaah hian Pathianni chhun lamah chauh inkhawm theih a ni a, biak-in ṭhutnaa ṭhu leng zat zatve (50%) aia tam lo emaw, mi 200 aia tam lo emaw ṭum khatah inkhawm theih a ni. Covid-19 veia inringhlel leh symptoms neite chu inkhawm loh tur a ni a, zai phal a ni lo.

Lalmuansanga Ralte chuan, Serchhip khawpuia bazar building bul hnaia chengte zingah Covid-19 vei hmuh chhuah a nih avang leh hripui darh zel tur vên nan bazar building leh a chhehvel chu hmun khuahkhirh bik (restricted area)-ah a puang bawk.