CM hoin ramri chung-chang sawiho

Nimin khan Assembly Committee Room-ah chief minister Lal Thanhawla, sorkar official-te leh NGO Coordination Committee hruaitute'n Bairabi Zophai leh Assam nena ramri chung­chang an sawiho a; MZP leh NGO dang hruai­tute'n an rawtna leh hma la tura sorkar an beisei dante Chief Minister an hrilh.

Meeting-ah hian March 20, 2018-a New Delhi-a Mizoram Chief Secretary leh Assam Chief Secretary-te inbiakna chungchang chu inbiaknaa telte'n an sawifiah a; Mizoram leh Assam Home Secretary ve ve leh Ministry of Home Affiars (MHA) Fact Finding Team-in March 27, 2018-a Bairabi Zophai a hmuna an enhonaa ṭan hmun turte an sawiho a ni.

Sorkar thuchhuah tarlan danin, March 27-a Zophai enfiah a nih hnuah, MHA Fact Finding Team-in an thil hmuh dan MHA-ah an report ang a, chu chu April 5, 2018-ah New Delhi-ah Union Home secretary Rajiv Gauba kaihruainain Mizoram leh Assam chief secretary-te'n an sawiho leh ang.