Animal Feed Plant hawng
AH&Vety minister C Ngunlianchunga chuan, nimin khan Ramrikawna cheng nuai 551.08 sênga din ran chaw siamna hmun, Animal Feed Plant a hawng.
C Ngunlianchunga chuan, kut hnathawhah Mizote ṭhan harh a ngaih thu sawiin, "Sorkarin ruahmanna a siam a, mipuiin ṭhahnemngaihna kan neih a ngai," a ti a; ran chaw siamna atana mamawh 60% chu vaimim a nih thu leh engtik lai pawhin AH &Vety-in vaimim ro kg. khat Rs. 19-a a lei duh thu a sawi.
Animal Feed Plant-ah hian darkar khatah ran chaw quintal 8 siam theih a ni a, tun dinhmunah ni khatah qtl. 10 an her chhuak ṭhin. Bawng, vawk leh ar chawte siam theih a ni.