Zirtirtu transfer & posting rules hmang thuai turin sorkar ngen

MZP chuan thuchhuah siamin, Mizorama zirna-in hrang hranga zirlaite'n India ram state dangte zirna leh hmanraw dawn ang an pha lo lutuk niin an tarlang a; sorkarin zirtirtu transfer & posting rules a duan tawh chu rang taka hman a nih theih nan thuneitute an ngen nawn tih sawi bawkin, "Mizoram chhunga zirlaite leh zirtirtute dinhmun chiang zawka zirchianna neia tlawh chhuah tum a ni," an ti.

MZP office bearer-te chuan nimin khan Health & Family Welfare minister Dr R Lalthangliana chu a pisaah an hmu a, Mizorama HIV/AIDS do dan tur ruahmannate an sawipui. MZP chuan, Mizoram chhung hmun hrang hrangah kum 2020 chhungin Health & Family Welfare department hnuaiah Mizoram State AIDS Control Society nen ṭanghoin HIV/AIDS awareness neih an tum thu an tarlang.