Champhaiah sangha no sem

Fisheries department chuan nimin khan Champhai Tlangsam kàiah Champhaia sangha khawitute hnenah SEDP kaltlangin sangha notê 44,466 an sem.

Fisheries department leh Champhai District Fish Farmers Association hruaitute chuan sangha no sem turte chu an enfiah hmasa a, a ṭha tâwk tih an finfiah hnuah sangha khawitute hnenah an sem a ni. Sangha no an semte chu Indian major carp leh exotic major carp a ni a, pakhat Rs. 1.50 zela pek chhuah a ni.

Champhaia Fisheries officer chuan SEDP aṭangin sangha no sem tur Champhai district tan 5,00,000 leh Khawzawl district tan 2,00,000 a dawng a, a tahtawla sem tura ruahman niin, September 2021 chhungin sem zawh hman beisei a ni.