Eptute'n NLUP dodal zel an tum

Eptu party pathum - Mizoram BJP, Zoram Peoples' Movement leh PRISM hruaitute Inrinnia BJP pisaa ṭhukhawm chuan, NLUP sem chhun­zawm a nih lohna atan dodal zel ni se, an ti.

Pawl pathumte chuan thuchhuah inṭâwm siamin, NLUP chu hleih nei uchuak taka a sem a nih thu an tarlang a, "Chutianga sem chhunzawm zel sorkarin a la tum hi ṭha lo kan ti hle. Mizoram MLA bial 40 zinga Congress MLA 34-te hnenah an bial chhunga sem tur cheng nuai 400 pe a, opposition MLA-te'n an dawng ve si lo hi meeting chuan ṭha lo a ti hle a ni," an ti.

Eptu party-te chuan, "Congress party-in Mizoram sorkar sum vote zawn nan a hmang a, kan dikna leh chanvo a rap bet fo hi kan dem tak meuh meuh a ni," an ti a; NLUP sem dan chu ṭha lo an tih avangin dodal zel an tum thu an tarlang a ni.