Lokayukta din lote insawifiah turin hriattir

Supreme Court chuan tun hnai khan, India rama state 11 leh union territory pakhat chu Lokayukta an la din loh chhan sawifiah turin a hriattir a, chu'ng zingah chuan Mizoram pawh a tel.

Justice Ranjan Gogoi leh Justice R Banumathi awmna Supreme Court Bench chuan, state leh UT 12-te Chief Secretary hnenah lehkha thawnin, Lokayukta an la din loh chhan leh engtikah an din theih dawn sawifiah turin a hriattir a ni.

Supreme Court-in Lokayukta la ruat loh chungchanga insawifiah tura a tih state-te chu - Mizoram, Jammu & Kashmir, Manipur, Me­ghalaya, Nagaland, Puducherry, Tamil Nadu, Telangana, Tripura, Arunachal Pradesh, Delhi leh West Bengal-te an ni.

Lokpal and Lok­ayuktas Act, 2013 Sec­tion 63 chuan, state tinte chu eirukna dotu tur, Lokayukta din vek turin a ti a; he dan hi January 1, 2014 khan President-in a pawm a, January 14, 2014-ah hman ṭan a ni.