MNF ṭhalaiin lei dawh enfiah
MNF ṭhalaite chuan Inrinni khan an vice president Lalremruata Chhangte hoin Keiṭum leh Khawlailung inkara Tuichang lei dawh hna thawh mek a hmunah an enfiah.
Lalremruat Chhangte chuan, kumin chhunga lei dawh zawh hman tur ni si, tun thlenga hna thawh tawh hmuh mumal tur la awm lo chu lungchhiatthlak a tih thu a sawi a, "Mizoram sorkar inthlahdah vang leh kawngpui ngaihthah vang liau liau a ni a, Tuichangral leh he kawng zawh ṭhin mipuite hmusitna lian takah kan ngai. Hna thawh mek en hian 10% pawh an la thawk tling lo," a ti.
MNYF tarlan danin, lei dawh hna hi December 1, 2016-ah ṭan a ni a, December 1, 2018-thawh zawh hman tura tih a ni. Hna thawktu chu Sadguru Engineers & Allied Services Pvt. Ltd., Guwahati an ni a, hna thawhna atan cheng nuai 751.89 ruahman a ni.