BPL list peih ṭêp tawh

Planning & Programme Implementation minister Lalsawta chuan March 23, Zirtawpnia Assembly budget session-ah MNF member Lalruatkima zawhna chhangin, kumina BPL list final publication peih ṭêp a nih tawh thu House a hrilh.

Lalsawta chuan, kum 2016-ah BPL baseline survey neih a nih thu sawiin, "BPL provisional list chu kum 2017-ah publish tawh a ni a, final publication peih ṭep a ni. Tihsual palh a awm theih avangin uluk taka kalpui a ngai a, kumin chhung ngeia peih hman kan duh a, kan tum," a ti.

Planning Minister chuan, data bank rintlak nei tura hmalak mek a nih thu sawiin, "Data neih sa bakah, department concern-te nen reconcil mek a ni a, peih vat tura hmalak zel a ni," a ti a; district leh village profile pawh buaipui mek a nih thu a sawi.