Sorkarin highway km nuai hniha thui siam dawn : Nitin Gadkari

Union Road Transport and Highways Minister Nitin Gadkari chuan sorkar laipui chuan ramchhungah highway leh expressway km nuai hniha thui siam a tum tih a sawi.

Inrinni-a Bengaluru-a Confederation of Indian Industry (CII) buatsaiha industry summit neihah he thu hi minister chuan a sawi a, kawngpuite hi state sorkar-te nena thawkhoa siam tum a ni, a ti. Road sector ṭhanna chu sorkar kum kal mekah ni khatah km 28 zel siam thar ang a nih thu sawiin, kum 2018-19 target chu ni khatah km 40 a ni, a ti. Sorkar laipui chuang kawng, port, shipping leh water resource atan cheng vaibelchhe 850,000 project thawhna tur contract pawh a ziak tawh niin a sawi.