PMAY ṭanpuinaa in sate'n chhunzawm thei lo

Sorkar laipui scheme, Pradhan Mantri Awas Yojana (PMAY) ṭanpuina hmanga Vairengtea in sa mekte chuan pawisa an dawn chhunzawm loh avangin hma an la chhunzawm thei lo.

Vairengte aṭanga Vanglaini thu dawn danin, Vairengteah hian PMAY ṭanpuina hmangin chhungkaw eng emaw zat chuan chenna in tur an sa a, mahse, second instalment an dawn chhunzawm theih loh avangin hma an la chhunzawm thei lo. Ruahtuiin a tlâk hnan zui avangin an in rel thingzaite a mawih mai an hlauthawng hle a ni.

Vairengte khawtlang hruaitute chuan, second instalment pekna tura an tih tur chin la ti zo lo ṭhenkhat an awm avangin, ṭha taka in sa leh an sum dawn ang anga hma late pawh second instalment pek a tibuai niin Kolasib-a UDPA department hotute'n an hrilh tih an sawi.