CCC leh CCCC tan bungrua sem

Khawzawl bawrhsap CC Lalchhuangkima chuan September 4, Inrinni khan Chief Minister’s Relief Fund (CMRF) aṭanga lei bungrua hrang hrang, covid care centre (CCC) pathum leh community covid care centre (CCCC) 24-a hman tur Khawzawl Hospital aṭangin a sem.

CC Lalchhuangkima hian Khawzawl khawpuia Covid-19 mass testing neihna hmunte leh hripui vei, natna lang chhuak lo leh lang nasa lote enkawlna tura ruahman CCCC ṭhenkhat a tlawh nghal a; Khawzawl SDC H Lalramenga'n a ṭawiawm a ni.

Khawzawlah hian September 2, 2021 aṭangin sample endik rûnpui neih a ni a, Inrinni thleng khan sample 2,964 endik aṭangin hripui vei pariat hmuh chhuah a ni tawh. District pumah Covid-19 kai 263 hmuhchhuah tawh niin, enkawl mek mi 144 an awm a ni.