Eirawngbawlna gas man tihpun a ni

Indian Oil Corporation-in eirawngbawlna gas (LPG) man a bithliah thar avangin Food, Civil Supplies and Consumer Affairs department chuan Mizorama hman tur gas man a bithliah thar a, September thla aṭangin hman ṭan niin, gas man hi a pun belh.

Gas man tharah chuan, domestic gas bûr (kg. 14.2) chu Vairengteah Rs. 1,028 a ni a, Mizoram hmun dang zawngah Rs. 1,036.50 a ni. Commercial cylinder man chu Vairengteah búr khat Rs. 2,027 a ni a, Mizoram hmun dang zawngah Rs. 2,045 a ni.

Gas chu home delivery anga lak a nih chuan bûr khatah Rs. 70 chawi belh a ngai a, showroom aṭanga lak a nih chuan a man pangngai aṭangin Rs. 27.60 paih tur a ni thung.