Video chauhin CM a dawr theih

Chief Minister's Office-a CM Zoramthanga pisaa inter­view neih ṭhin chu tih­tawp rih a ni a, ṭul bik thilah Chief Minister dawr ngaite tan video conferencing hmanga in­dawr theihna turin rua­hman­na siam a ni. Hetih lai hian, nimin khan secretary to CM JC Ramthanga chuan thu­­chhuah siamin, Covid-19 léng mek vanga CMO dàwr tumtute hriattir pawi­mawhte a tarlang.

CMO dawr turte hriat tur

•    Thu leh awm hma chuan CMO-ah public interview neih a ni lo ang.

•    Office páwn lam mi, CMO dàwr tur reng rengin office luh hmain office páwna 'Kut silna' siamah fai takin kut an sil hmasa tur a ni.

•    CM appointment pekte leh office dawrtute tan kut invuan/kut thinga inchibai kher loh tur.

•    Bawrhsàwmna leh hrisel lohna nei chungin office dawr loh ni se.

•    Kan him tlanna tur leh kan fimkhurna tura sorkar thu­pekte ṭha taka zâwm turin CMO hnuaia officer, staff leh office dawrtu mipuite kan inngen a; ṭul loa buai phílí lo tur leh chiai lo turin kan inngen bawk.