CII-te an luang chhuak

Confederation of Indian Industry (CII) chuan Mizoram sorkar hnenah Covid-19 vaccine dose 1000 leh HIV posi­tive chhuanchham chhung­kua 300 chuang hnenah Positive Women Network of Mizoram kal­tlangin nutrition an pe.

Ṭanpuina pek pual hian nimin khan CII, Mizoram Chapter; Natio­nal Health Mission leh Positive Women Network of Mizoram ṭangkawp chuan inkhawm an buat­saih a, Health secretary R Lalramnghaka, NHM director Dr Eric Zomawia leh MSACS project director Dr Lalthlenglianite'n an hman pui.

CII-te hian an project pakhat atan Project Vaccine Nation tih thupui hmangin Covid-19 laka a tam zawkin vaccine an lak theihna atan tiin Covid-19 vaccine dose 1000 chu Mizoram sorkar tan an pe a ni.

Confederation of Indian Industry hi kum 1895-ah India ramah din ṭanin India ram pumpuia industry lian leh ropui tak takte inzawmkhawm an ni. India rama industry a lo len zel theihna tur policy-te duangin, sorkar nen an inthlunzawm a ni.